ABŞ VƏTƏNDAŞ MÜHARİBƏSİNƏ DOĞRU

"Amerikada vəziyyət hazırda 1989-cu ildə SSRİ-də olduğundan daha pisdir".
azerinform.az “RİA-Novosti” agentliyinə istinadən xəbər verir ki, bunu Amerika vətəndaşlarının qətli məqsədi ilə sözləşməni hazırlamaqda və terrorizmə maddi dəstək verməkdə ittiham olunaraq ABŞ-da 25 il həbs cəzasına məhkum edilmiş Rusiya biznesmeni Viktor But deyib.
“Tamamilə qanuni sual yaranır: Amerika qan tökmədən bu dövrü keçə biləcəkmi? Ştatların üzərində vətəndaş müharibəsinin buludları ciddi şəkildə toplaşıb. Bu, artıq fırtınadır”, - But telefonla agentliyə açıqlamasında bildirib.
Onun fikrincə, Donald Trampın prezident seçilməsi ilə əlaqədar ABŞ vətəndaş müharibəsinin həddindədir.
“Arzulayıram ki, Tramp bu qarşısını alaraq başqa istiqamətə yönəltsin. Amma hələlik bu özünü göstərmir. “Vaşinqton vilayət komitəsi” sadəcə ona müharibə elan edib”, - o vurğulayıb.
Qeyd edək ki, But Amerika xüsusi xidmət orqanlarının əməliyyatı nəticəsində Bankokda doqquz il əvvəl 2008-ci ilin martında həbs edilib. O, daha sonra ABŞ-a aparılıb və 25 il həbs cəzasına məhkum edilib.