"Ölkədə manat qıtlığı yarat, banklar batsın" - ŞOK REAKSİYA

Bu gün Prezidentin islahatlar üzrə köməkçisi Natiq Əmirov manatla səsləndirilən proqnozlara münasibət bildirib

N.Əmirov deyib ki, "bəzi "ekspert”lərin proqnozlarına baxmayaraq, manat güclənməkdədir".

Onun fikrincə, atılan addımlar nəticəsində valyuta ehtiyatlarımız nəinki strateji səviyyədə qorunub, hətta kəskin artıb.

Mia.az xəbər verir ki, ReAL kərəkatının icra katibi, tanınmış iqtisadçı ekspert Prezident köməkçisinin fikirlərinə reaksiya verib.

Ekspertin fikirlərini təqdim edirik:

"Təfəkkür" Universitetini fərqlənmə ilə bitirən adaşım hansı "atılan addımları" deyir ki, onlar vayluta ehtiyatlarını artırıb?! Neft Fondundan pulu götürüb Mərkəzi Banka qoymaq böyük addımdırmı?! MB-ın ehtiyatları məhz buna görə artıb. Yoxsa bu ilin ilk 3 ayında keçən ilin müvafiq dövrünə görə neft qiymətlərinin 30%-ə yaxın artması Natiq müəllimin atdığı addımın nəticəsidir?! Məhz neftin qiymətinin bu il ortalama 55 dollar olması həm ehtiyatlara təsir etdi, həm də manatı sabitləşdirməyə kömək oldu. London birjasında formalaşan qiymətin adaşıma nə aidiyyatı var ki, bunu da atılan addım kimi dəyərləndirir?!

Yaxşı, neft yenidən 40 dollar olsa, bu da bütün göstəricilərə, həm də manatın ucuzlaşmasına ciddi təkan verərsə, o zaman Natiq müəllim təfəkkürünü işlədərək nə addımlar atacaq?! Nəzir verəcək ki, neft yenə, heç olmasa, 55 dollar olsun?!

Ölkədə manat qıtlığı yarat, idxal azalsın, iqtisadi aktivlik ölü vəziyyətə düşsün, banklar batsın - sonra da çıx de ki, manat güclənir. Həm də söylə ki, biz qeyri-neft ixracını artırmaq istəyirik, güclü manat hara - ixracın artması hara?! Görəsən, "Təfəkkür" Universiteti kimi elm ocağında hansı iqtisadi nəzəriyyələr keçirmişlər?!
Ğ
Hörmətli Natiq müəlliĞm, o həmin "atılan addımlarla" bağlı istənilən TV kanalda debat təkil edin, müzakirə edək, hamı da görsün nə "gözəl və vacib" addımlar atmsınız...". (Mia.az)