Bütün xəbərlər

Paşinyan "Saakaşvili yolu"nu seçib - KTMT qalmaqalı böyüyür

Paşinyan "Saakaşvili yolu"nu seçib - KTMT qalmaqalı böyüyür

Son zamanlar Ermənistan-Rusiya münasibətləri xeyli gərginləşib. İrəvanda anti-Rusiya aksiyaları keçirilir, "Surmalu faciəsi"ndə Kreml izləri axtarılır, Kollektiv Təhlükəsizlik Müqaviləsi Təşkilatının (KTMT) İrəvanı saya salmaması belə Moskva ilə əlaqələndirilir.
Hətta iş o yerə çatıb ki, baş nazir Nikol Paşinyan dünən müttəfiqlərin onlara silah satmaqdan boyun qaçırdığını deməklə Moskvaya söz atır.

Bu gün isə "Jam" saytı gündəmə çevrilmiş bu mövzu ilə bağlı maraqlı və diqqət çəkən bir təhlil yazısı dərc edib.

Müəllif qeyd edir ki, bu yaxınlarda Nikol Paşinyan Moskvanın Ermənistanı "Azərbaycanın hücumları"ndan kifayət qədər qorumadığını əsas gətirərək, Rusiyaya qarşı addımlarını xeyli sürətləndirmək qərarına gəlib.

Nümunə kimi isə o, Ermənistanın silah almağa kifayət qədər pulunun olduğu halda KTMT liderlərinin buna imkan vermədiyi iddiasını göstərib.

"Nə üçün o, KTMT ilə Moskvanı tənqid etməyə başlayıb? Paşinyanın ittiham dolu bu iddiaları Ermənistan Respublikasının ikinci prezidenti Robert Koçaryan və keçmiş müdafiə naziri David Tonoyan tərəfindən dərhal təkzib edildi. Hər ikisi təkid edirdi ki, KTMT-yə üzvlük Ermənistanın başqa ölkələrdən silah və sursat almasına heç vaxt mane olmayıb. Robert Köçəryan hətta onun hakimiyyəti dövründə nələrin alındığını konkret misal gətirib. Ermənistan Respublikasının üçüncü prezidenti Serj Sarkisyanın hakimiyyəti dövründə İrəvan Çindən bir neçə növ silah alıb. Bu gün isə Ermənistanın Hindistandan silah və sursat almağa hazırlaşdığı xəbəri yayıldı", - müəllif yazıb.

Belə çıxır ki, Nikol Paşinyanın yalan dolu bu açıqlaması ona görə ortaya atılıb ki, o, KTMT-ni tənqid edərək, tamam başqa tapşırıqları rahat şəkildə həll edə bilsin.

Hamı bilir ki, KTMT formal strukturdur. Bu təşkilata üzvlük həmişə daha çox Ermənistan üçün vacib amil sayılıb. Çünki belə olan halda ermənilər Rusiyadan ucuz silah - sursat ala bilirlər.

Elə erməni analitik də bunu yazıb.

"Yeri gəlmişkən, bu həmişə belə olub. Əks halda, son iyirmi ildə öz neft gəlirlərini milyardlarla dollarlıq silah və sursat almağa sərf edən daha zəngin Azərbaycana müqavimət göstərə bilməzdik.

Paşinyanın indiki qəribə addımlarına gəlincə, onun Ermənistanın bu strukturdan çıxması üçün zəmin hazırlaması ilə bağlı şübhələr yaranıb. Bəs baş nazirin bu gedişi bizə hansı təhlükələr gətirə bilər? Bu barədə başqa vaxtı ətraflı yazacağam.

Sadəcə olaraq, Nikol öz qərarını Gürcüstanın sabiq prezidenti Mixail Saakaşvilinin hakimiyyətdə olarkən davrandığı tərzdə ortaya atıb . O “kənarda” müəyyən dairələrə vədlər verib, onları təkbaşına sakitləşdirməyə çalışıb...

Amma Gürcüstandan fərqli olaraq, bu addım bizə qat-qat baha başa gələcək. Bu proseslərin ağır nəticələrini qiymətləndirmək belə çətin olacaq! Onun niyə belə bir qərar verdiyi artıq hər kəsə bəllidir", - nəşr yazıb.
AzVision.az
loading...
SORĞU
Оцените работу движка
Лучший из новостных
Неплохой движок
Устраивает ... но ...
Встречал и получше
Совсем не понравился

Təşkilatcı rəhbər, gözəl insan və əsl Vətən daşı - Xəzər Rayon Gənclər və İdman İdarəsinin rəisi Vüqar Əliyev
"Necə yəni bir var-yox qardaşı olana şəhid ailəsi statusu verilmir?" - Aqil Abbas
Şəhid dəfnlərində verilən əzaların doğurduğu reaksiya
Buğdaya qadağa götürülür: - “Azərbaycan hökuməti çörəyi ucuzlaşdıracaq”
Azərbaycanda mina aşkarlayan robot hazırlanıb - FOTO
ƏN ÇOX OXUNANLAR
FOTOFAKT
"Azərbaycan Ordusunun hərbçilərinə təşəkkür edirəm" - Erməni terrorçu (YENİLƏNİB)
Bakıda yeni doğulmuş körpəni zibil yeşiyinə atdılar
Bakının Yasamal rayonunda gülünc mənzərə – Problem zibillikdən daha betərdir…
Avropa oyunlarında Gürcü idmançının cinsi orqanını dişlədiyinə görə idmandan birdəfəlik qavuldulan ERMƏNİ Avropa Appelyasiya Məhkəməsini necə uddu?
Agcəbədidə blıqlar qırılır