Respublikada BİR İLK - Zakatalalılar karantini belə kecirirlər
gundem / olke / ozel
17:10
23.04.2020
990
Zaqatalalı musiqiçilər eyvandan canlı konsert veriblər
Koronavirus (COVID-19) pandemiyasına qarşı mübarizə tədbirləri çərçivəsində Nazirlər Kabineti yanında Operativ Qərargah tərəfindən ölkə ərazisində xüsusi karantin rejiminin tətbiq edilməsi ilə əlaqədar Zaqatala Uşaq İncəsənət Məktəbinin müəllimləri sosial izolyasiya şəraitində olan sakinlərə eyvandan canlı konsert veriblər. Tanınmış qarmon ifaçısı Sahib Abdurahmanovun, gənc musiqiçilər Şahov Abdurahmanov, Əfqan Hudulov, Vüsal İbrahimov və Müqəddəs Yekəyevin iştirak etdiyi konsertin təşkilində məqsəd karantin dövründə evdə qalan sakinlərdə ruh yüksəkliyi yaratmaq, onlara mənəvi dəstək olmaqdır.
“#Evdəqal”, “#Evdəmədəniyyətimiziyaşadaq” və “#Mədəniyyətbirlikdir” layihələri çərçivəsində aprelin 10-da axşam saatlarında Zaqatala şəhərinin Sülh küçəsində yerləşən çoxmənzilli yaşayış binalarından birinin eyvanında təşkil edilən konsert zamanı musiqiçilər ətrafdakı binaların sakinlərinə milli oyun havalarımızı, bəstəkar və xalq mahnılarımızı canlı ifalarla təqdim ediblər.
Konsert proqramı sakinlər tərəfindən böyük maraqla qarşılanıb.
Zaqatala sakinləri koronavirusla mübarizə aparan həkimlərə dəstəklərini nümayiş etdiriblər
Bu çətin günlərdə, dünyanı ağuşuna alan koronavirus (COVID-19) infeksiyası ilə mübarizədə səhiyyə işçiləri şücaət göstərərək, xalqımızın sağlamlığının keşiyində durur, pandemiya ilə mübarizədə həyatlarını risqə ataraq böyük fədakarlıqla öz vəzifə borclarını yerinə yetirirlər.
Aprelin 6-da axşam saatlarında Zaqatala rayonunda günümüzün qəhrəmanları olan həkimlərə dəstək aksiysı keçirilib. Zaqatala şəhərinin sakinləri axşam saat 20:30-da yaşadıqları evlərin, çoxmənzilli yaşayış binalarının eyvanlarına çıxaraq, pandemiya ilə mübarizə aparan həkim və tibb işçilərini alqışlayıb, onlara təşəkkürünü bildirib, həmrəylik nümayiş etdiriblər.
“Əlillərə və Aztəminatlı Ailələrə İctimai Dəstək” Fondu Zaqatalada 500 ailəyə ərzaq yardımı edib
“Əlillərə və Aztəminatlı Ailələrə İctimai Dəstək” Fondu xüsusi karantin rejimi günlərində ölkə rəhbərliyi tərəfindən həyata keçirilən genişmiqyaslı tədbirlərə dəstək nümayiş etdirərək, aztəminatlı ailələrə, əlil və tənha vətəndaşlara kömək məqsədilə Zaqatala rayonunda ərzaq yardımı kampaniyası keçirib.
Aksiya çərçivəsində Fondun direktoru Gülbəniz Bayramovanın iştirakı ilə Zaqatala rayonunda 500 aztəminatlı ailəyə, əlil və köməyə ehtiyacı olan şəxslərə ərzaq bağlamaları paylanılıb. Qurum tərəfindən, həmçinin Zaqatala Rayon Mərkəzi Xəstəxanasında çalışan tibb işçilərinə əlcək və həkim papağı da verilib.
Oxşar xəbərlər
XƏBƏR LENTİ
© 2014-2023 Azerinform.az
Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.