İsrailli ekspert: "Ermənistan hakimiyyəti məhkəmə qarşısına çıxmalıdır"

"Elə coğrafi adlar var ki, onlar xəritədəki bir nöqtədən daha çox şey ifadə edir. Bu, zorakılıq və qeyri-insaniliyin rəmzinə çevrilmiş şəhər və kəndlərin adıdır - Babiy Yar, Liditsa, Oradur, Xatın, Sonqmi. 1990-cı illərin əvvəlində bu siyayıha daha bir şəhər - Xocalı əlavə olundu. Xocalı faciəsi bəşəriyyətə qarşı bir cinayətdir".
Milli.Az xəbər verir ki, bu sözləri Trend-ə İsrailin "Cəmiyyət üçün beynəlxalq layihələr" qeyri-hökumət təşkilatının rəhbəri, beynəlxalq münasibətlər sahəsində ekspert Arye Qut deyib.
Onun sözlərinə görə, erməni silahlı birləşmələrinin və muzdlu dəstələrinin Xocalıda heç kimə aman verməməsi tarixi faktdır.
A.Qut vurğulayıb ki, bir sıra şəxslər - Seyran Ohanyan, Serj Sarkisyan, eləcə də Robert Koçaryan və digər şəxslər bu hadisələrlə əlaqədar beynəlxalq məhkəmə qarşısında dayanmalıdırlar.
Ekspert həmçinin, Zori Balayanın etiraflarını xatırladıb. O bildirib ki, Z.Balayan 1996-cı ildə nəşr olunan "Ruhumuzun oyanışı" kitabında Xocalı soyqırımına bəraət qazandırmağa çalışıb.