Sumqayıt Şəhər Uşaq Xəstəxanası müasir tibb ocagıdır...

Ölkəmizdə uşaqların sağlamlığına verilən önəm, bu sahəyə dövlətin və şəxsən ölkə başçısının diqqət və qayğısı səhiyyəmizin bugünkü yüksək inkişafında bir güzgü kimi əks olunur.

Azərbaycan Respublikasının Prezidenti cənab İlham Əliyevin diqqət və qayğısı nəticəsində son illər səhiyyə sistemində uğurlu islahatlar aparılmış, tibb müəssisələrinin maddi-texniki bazası əhəmiyyətli dərəcədə yaxşılaşdırılmış, təchizat və kadr hazırlığı ilə bağlı mühüm işlər görülmüşdür. Sumqayıt şəhər Uşaq Xəstəxanası da belə nümunəvi tibb müəsəssidir.Burada göstərilən tibbi xidmət buna bariz nümunədir.

Azərbaycan prezidentinin tibb müəssisələrində yenidənqurma işlərinin aparılması, onların maddi-texniki bazasının möhkəmləndirilməsi ilə bağlı tapşırıqlarına uyğun olaraq, burada da yenidənqurma işləri həyata keçirildi, ən müasir tibbi avadanlığı ilə təchiz olundu. Görülən işlərin nəticəsində xəstəxanada dünyanın ən məsum varlıqları olan uşaqların yüksək səviyyədə müayinə və müalicəsi, həkim və tibb işçisinin fəaliyyəti üçün hər cür şərait yaradılıb. Xəstəxananın baş həkimi Müşfiq Məmmədli buraya baş həkim təyin olunandan, burada ilk olaraq sağlam mühit yaradıb. Xəstəxanada əmək intizamına ciddi əməl olunur.

Bütün bu işlər baş həkimin təşəbbüsü ilə həyata keçirilir. Bunları biz gözlərimizlə görmüşük. Məhz buna görə baş həkimə, rəhbərliyə təşəkkür edənlərin çox şahidi olmuşuq.

Bu yaxınlarda yenə də yolumu xəstəxanaya saldım. Həkimlər iş başında idilər. Hər tərəfdə təmizlik, səliqə-səhman göz oxşayırdı. Gün ərzində bir neçə xəstə yaxını ilə söhbət etdim, onlara göstərilən tibbi xidmətin səviyyəsi ilə, hər hansı neqativ hallarla rast gəlib-gəlmədikləri ilə maraqlandım. Həmsöhbətlərim çox səmimi cavab verdilər. Qeyd etdilər ki, baş həkim Müşfiq həkimdən, xəstəxananın tibb bacılarından, bütün həkimlərdən çox razıyıq. Həkimlər düzgün müayinə-müalicə aparır, tövsiyələrini bizdən əsirgəmirlər. Baş həkimdən, şöbə müdirlərindən çoz razıyıq. Onlara öz təşəkkürümüzü bildiririk. Onu da əlavə etdilər ki, xoşagəlməz hərəkətləri burada heç zaman müşahidə etməmişlər.

Söhbət əsasında öyrəndik ki, Sumqayıt Şəhər Uşaq Xəstəxanasının yoluxucu xəstəliklər korpusu kecən il əsaslı təmirdən sonra istifadəyə verilib. Burada uşaqların müalicə və müayinəsi üçün hər cür şərait yaradılıb.

1956-cı ildə inşa edilən Şəhər Uşaq Xəstəxanası 140 çarpayılıqdır. Xəstəxananın 7 şöbəsində 413 tibb işçisi çalışır. Uşaq xəstəxanasının yoluxucu xəstəliklər korpusu son 30 ildə ilk dəfədir təmir olunub. 55 çarpayılıq korpus ən son texnoloji nailiyyətlərə əsaslanan avadanlıq və cihazlarla təchiz edilib. Xəstəxananın əsas korpusunda da cari təmir işləri aparılıb, müasir avadanlıqlar quraşdırılıb. Belə ki, somatik reanimasiya, yeni doğulmuşların patologiyası, pediatriya və cərrahiyyə şöbələri müasir tibb avadanlığı, küvezlər və dərman preparatları ilə təmin olunub.

Əsaslı təmirdən sonra istifadəyə verilən uşaq xəstəxanasının laboratoriya, fizioterapiya, rentgen, ultrasəs müayinəsi, elektrokardioqrafiya və digər müayinə otaqları, həmçinin palatalar müasir standartlara uygundur. Xəstəxanada istilik sistemi, elektrik avadanlıqları yenilənib. Tibb ocağının həyəti abadlaşdırılıb, yollara asfalt döşənib, yaşıllıq salınıb, xəstələrin istirahəti üçün zəruri şərait yaradılıb.

Qeyd etmək yerinə düşər ki, Müşfiq həkim işlədiyi bu illər ərzində Sumqayıtda həm yaxşı həkim, həm də səriştəli rəhbər kimi yüksək nüfuza malikdir. O,yüzlərlə ailəyə sevinc bəxş etmiş və öz şəfalı əlini uzatmışdır. Xəstəxananın kollektivi də Azərbaycan dövlətçiliyinə, xalqına, vətəninə sədaqətlə xidmət edən baş həkimlərinə güvənir.

Baş həkimi Müşfiq Məmmədl deyir:

– Baş həkimin vəzifəsi məsuliyyətli və çətindir. Burada əhaliyə keyfiyyətli tibbi xidmətin göstərilməsi, müəssisənin fəaliyyətinin təhlili, onun əsasında işin forma və metodlarının yaxşılaşdırılması üzrə zəruri tədbirlərin görülməsi, tibbi yardımın təşkilində aşkar olunmuş nöqsanların aradan qaldırılması üçün atılan addımların müəyyənləşdirilməsi, işçilərin öz vəzifə öhdəliklərini yerinə yetirməsinin təmin olunması üzrə tədbirlərlə yanaşı, daxili intizam, cihaz, avadanlıq, alətlər və mexanizmlərin istismarı qaydalarının tələblərinin yerinə yetirilməsi və s. öhdəliklər durur. Bizim vəzifəmiz insanlara yüksək səviyyədə xidmət göstərmək, onlara şəfa verməkdir.

Azərinform.