Əslində 270 nömrəli məktəbin direktor əvəzi Kəmalə İbrahimova KİMDİR...
olke
07:44
16.11.2023
5 628
Ölkədə baş verənləri davamlı olaraq doğru-dürüst araşdırıb ictimaiyyəti dolğun məlumatlandıran KİV-lərin sayı günbəgün azalmaqdadır. Əslində özünü qərəzsiz hesab edən KİV istənilən situasiyada onu izləyənləri heyrətləndirməyi bacarmalıdır. Müasir jurnalistika texniki imkanlardan yararlanmaqla ən gizli saxlanılmış mövzuları cəmiyyətin üzünə açmaq iqtidarında olmalıdır. İctimaiyyətə təqdim olunan istənilən mövzu səmimi və qərəzsiz olmalıdır. Ancaq çox təəssüf ki, günümüzdə özünə əziyyət vermədən, heç bir araşdırma-filan aparmadan, qeyri ciddi yazılar dərc edib, özünü cəmiyyətə operativ və qərəzsiz medya nümayəndəsi kimi sırıamaq istəyənlər var.
Bütün bu gülünc hücumlarda, qərəzli yazılarda “kənar əl”, “şeytan barmağı”, “xüsusi maraq” dərhal hiss olunur. Diqqət yetirdikdə yazılanların qurama, şişirdilmiş olduğu tamamilə aydın olur. Burada "alim" olmağa ehtiyac yoxdur. Hər şey gün kimi aydındır. Yaxşı, əgər obyektivlikdən söhbət gedirsə onda nədən əyriyə düz, düzə əyri deyilir? Əgər dəqiq, qərəzsiz jurnalistikadan söhbət gedirsə, onda harda qaldı bu qərəzsizlik? Bu yazılanların qərəzlə ortaya çıxdığını kimsə də bilməsə biz bilirik. Onu da bildirək ki, uzun müddətdir xarab olmuş qramafon valı kimi eyni mövzunu təkrarlayan media orqanları isə hələ də yeni hec nə araşdırıb ortaya qoya bilmirlər. Halbuki, həmin çeynənmiş yazılarda göstərilən məlumatlar Suraxanı rayonu E.Qaranzadə adına 270 nömrəli məktəbin direktor əvəzi Kəmalə İbrahimova haqqında iftira və böhtanlar kimi məhkəmə predmeti ola bilər və nəticəsi hec də həmin KVİ-lər ücün yaxşı olmaz.
... Kəmalə İbrahimova həmişə gələcəyə inamla baxan, qarşıya qoyduğu məqsədə catmaq üçün yorulmaq bilmədən çalışan rəhbər kadrlardandır. Yüksək pillələrə qalxmaq, orda qərar tutmaq, daha səlahiyyətli söz demək qabiliyyətinə malik olmaq üçün bu yolla dözümlük və səbr göstərmək Kəmalə xanımın həyat kredosudur. Onun bir xüsusiyyətini xüsusi vurğulamaq istəyirik: o, həmişə işin ağır tərəfindən yapışanlardan olub.
... Kəmalə İbrahimova calışdıgı sahədə ilk gündən çox yaxından, olduqca fəal iştirak etmişdir. Savadı, mədəniyyəti, yüksək əxlaqi keyfiyyətləri, böyük-kiçik yerini bilməsi ona kollektivdə və ictimaiyyət arasında həmişə hörmət və başucalığı gətirmişdir.
Kəmalə İbrahimova 270 nömrəli məktəbə direktor əvəzi təyin olundugu cox deyildir. O, ilk gündən yüksək təşkilatcılıgı sayəsində məktəbdə bütün əlamətdar günlərin yüksək səviyyədə kecirilməsi ücün calışır. Bu tədbirlər məktəbin 158,8 kv.m-lik 180 nəfərlik Akt zalında qeyd edilir. Şagirdlərin yüksək şəraitdə təhsil almaları üçün 1 kitabxana,1 oxu zalı, 6 kompyüter zalı, 1 ingilis,1 rus dili linqafon otaqları, biologiya, kimya, fizika lobaratoriyaları və 1 oxu zalı, zəngin kitabxanası vardır. Müəllim və şagirdlər məktəbin və rayonun ictimai işlərində fəal iştirak edirlər. Ümummilli lider Heydər Əliyevin anadan olmasının 100-cü ildönümü münasibətilə təşkil olunmuş silsilə tədbirlər təqdirəlayiqdir. Müəllimlər dərslərini günün tələbləri səviyyəsində qururlar. Məktəb hər il adını daşıdığı şəhid Elçin Qaranzadənin ad gününü qeyd edir, onun ailəsi ilə sıx əlaqə saxlayır. 2022-2023-ci tədris ilində 9 şagird 500-dən yuxarı, onların 3-ü isə 600-dən yüksək bal toplayıblar. Azərbaycan Respublikasının prezidenti cənab İlham Əliyevin müvafiq sərəncamı ilə 2023–2024-cü tədris ilində tələbə qəbulu imtahanlarında ixtisas qrupları üzrə ən yüksək nəticələr göstərmiş və Azərbaycan Respublikasının ali məktəblərinə daxil olmuş tələbələrə Prezident təqaüdü ayrılıb. Məktəbin məzunu Tağıyeva Aqilə Vüqar qızı Prezident təqaüdünə layiq görülmüşdür. Bir şagird də Respublika üzrə fənn olimpiadasında Coğrafiya fənni üzrə I yerə layiq görülmüş və 675 balla ali məktəbə qəbul olub. Ümumiyyətlə, Suraxanı rayonu E.Qaranzadə adına 270 nömrəli məktəbdə hər iş öz axarıncadır. Bütün bu işlərin həyata kecirilməsində drektor əvəzi Kəmalə İbrahimovanın əməyi danılmazdır.
Tam səmimiyyətlə demək istəyirik ki, Suraxanı rayonu E.Qaranzadə adına 270 nömrəli məktəbin direktor əvəzi Kəmalə İbrahimovanın bizim müdafiəmizə ehtiyacı yoxdur. Sadəcə, Kəmalə xanımın barəsində şər və böhtan xarakterli yazıları dərc edən sayt rəhbərlərinə xatırlatmaq istəyirik ki, bizlərə məlumdur ki, bu cızma-qaraları kimlər nə məqsədlə yazdırır. Ancaq bu dərəcədə olmaz. Ziyalı olan bir insana qarşı bələ münasibət yolverilməzdir. Unutmayın, bu davranışlar ictimaiyyət tərəfindən ikrahla qarşılanır. Əslində bu yazılarda həqiqət yükü olmadığına görə hec ona reaksiya verən də olmur. İnsanlar belə yazılara dodaq büzür və sifariş adlandırırlar.
Yazılan böhtanlarda diqqət çəkən və əslində həm də bütün yazılanları ifşa edən başqa bir məqam da var. Görəsən bu adamlar niyə köhnə palan ici tökürlər? Niyə Kəmalə İbrahimovanın xırdaca bir qüsurunu filə döndərmək bu adamlar üçün peşəyə çevrilib, indi də nala-mıxa vurub onun gördüyü işləri sanki yaddan çıxarırlar. Görməyə göz hamıda var. Yetər ki, yaxşını yaxşı görməyə istək olsun.
Azərinform.az
Oxşar xəbərlər
XƏBƏR LENTİ
© 2014-2023 Azerinform.az
Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.