Şəhid yadigarlarını lentə alan sənədli film təqdim olunub
iqtisadiyyat
13:23
1.06.2022
675
1 İyun Uşaqların Beynəlxalq Müdafiəsi Günündə ataları Vətən müharibəsində şəhid olandan sonra dünyaya gələn uşaqlarla bağlı sənədli film hazırlanıb. “Sonbeşiklər” adlı filmdə atalarının şəhidliyindən sonra doğulan 102 uşaqdan 13-ü lentə alınıb. “Qafqazinfo” və “Nar”ın dəstəyilə hazırlanan filmin məqsədi torpaqlarımızın azadlığı uğrunda canından keçmiş şəhidlərimizi ehtiramla yad etmək, onların yadigarlarını cəmiyyətə tanıtmaqdır. Filmi izləmək üçün bu səhifəyə daxil ola bilərsiniz.
Xatırladaq ki, “Nar” şəhid ailələrinə dəstək məqsədilə Vətən müharibəsi dövründə və ondan sonra da bir sıra mühüm sosial əhəmiyyəti olan layihələr həyata keçirib. Belə ki, mobil operator “Gələcəyini Qur!” layihəsi ilə əməkdaşlıq çərçivəsində Qarabağ müharibəsi veteranları və hərbçi ailələrindən 10 məktəblinin universitet hazırlığı xərclərini öz üzərinə götürüb, eyni zamanda şəhid ailələrindən olan tələbələrə dəstək olmaq üçün NDU ilə birgə təqaüd proqramı həyata keçirir.
“Azerfon” şirkəti (“Nar” ticarət nişanı) 21 mart 2007-ci ildə fəaliyyətə başlayaraq qısa bir müddətdə Azərbaycanda telekommunikasiya və mobil rabitə sahəsinin aparıcı şirkətlərindən birinə çevrilib. “Nar” ölkədə ilk dəfə olaraq 3G texnologiyasını təqdim edib və geniş 4G şəbəkəsini abunəçilərinin istifadəsinə verib. Şirkət son 3 ildə Müştəri Loyallığı İndeksinə görə ölkədə lider mobil operatordur.
Oxşar xəbərlər
XƏBƏR LENTİ
© 2014-2023 Azerinform.az
Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.