TƏCİLİ: Hakimiyyət sinəsini Avropa Şurasının qabağına niyə verdi? - Müdhiş gizlinlər

Türkiyənin Azərbaycan kimi dostları var və Türkiyə heç vaxt təklənməyəcək

Avropa dövlətləri Türkiyəyə qarşı səhv etdiklərini yenə də anlayacaq.

Bununla da Avropada bu günə qədər ən müxtəlif səviyyələrdə özünü göstərən bir sıra meyillərin bu təşkilatın daxilində də artıq aparıcı mövqeyə malik olduğunu bir daha sübut etdi.

Belə qərarların qəbulu əməkdaşlığa, qarşılıqlı öhdəliklərin yerinə yetirilməsinə və problemlərin həllinə dialoq vasitəsilə yanaşılmasına istinad etməli olan Avropa Şurası kimi mötəbər bir təşkilatın iş prinsiplərinin obyektivliyini sual altına qoyur, həmçinin elan olunmuş dəyərlərlə real fəaliyyət arasında çox böyük fərqin olduğunu göstərir.

Azərbaycan cəmiyyəti Avropa təsisatlarının özünə və qardaş Türkiyəyə qarşı ədalətsiz mövqeyini, Qərbin islamofob dairələrinin müsəlman ölkələrini hədəfə almaq cəhdlərini heç vaxt qəbul etməyəcək.

Bu gərginlikdə Ankaraya ən böyük dəstəyi Azərbaycan hakimiyyəti verdi. Ölkə rəsmilərinin hər birinin çıxışında AŞ-nın ədalətsiz qərarı pislənildi və oxşar situasiya ilə ölkəmizin də qarşılaşdığı vuruğlandı. Belə bir vəziyyətdə hakimiyyət Türkiyəyə görə növbəti dəfə sinəsini qabağa verdi.

Ulus.Az xəbər verir ki, Türkiyə və Azərbaycan kimi ölkələr həm terrorla, həm də beynəlxalq ədalətsizliklə mübarizə aparmalı olur.

Odur ki, biz növbəti dəfə Türkiyənin yanında olduğumuzu göstərdik və bundan sonra da hər zaman belə olacaq.

Fransada və Avropanın digər ölkələrində fəaliyyət göstərən Azərbaycan diaspor təşkilatlarının nümayəndələri aprelin 27-də Strasburq şəhərində, Avropa Şurası Parlament Assambleyasının (AŞPA) qarşısında etiraz aksiyası keçiriblər.

Aksiyada iştirak edənlər AŞPA-nın Türkiyə ilə bağlı monitorinqi bərpa etmək qərarına və qurumun Azərbaycana münasibətdə tutduğu qərəzli mövqeyə etirazlarını bildiriblər.

AŞPA-nın monitorinqləri müxtəlif dairələrin mənafeyinə xidmət edir, müstəqil dövlətlərə təzyiq göstərmək və onların milli maraqlarına zərbə vurmaq məqsədi güdür.