Göyçay xəstəxanasında Ləman Hacıyeva mafiyası

Göyçay rayonu,Qaraməryəm kənd sakini Səbuhi Quliyev kend.info-ya şikayət məktubu ilə müraciət edib.Şikayəti olduğu kimi dərc edirik.
Hörmətli redaksiya:Qardaşım Quliyev Akif bir il bundan əvvəl avtoqəza keçirib.Həmin vaxt Göyçay rayon mərkəzi xəstəxanasında rentgen həkimi Sahib həkimin məndən rüşvət tələb edərək alması barəsində,baş prokurorluq yanında korrupsiyaya qarşı mübarizə baş idarəsinin qaynar xəttinə məlumat vermişəm.
İşin araşdırılması mənim iştirakımla Göyçay rayon mərkəzi xəstəxanasının rəhbərliyinə tapşırılmışdı.Ancaq mənim iştirakım olmadan,baş həkimin müavini olan Ləman Hacıyeva əvəzimə izahat vermişdir və işi ört-basdır etmişdir.

Qardaşımın avtoqəza keçirməsi ailəmizə on beş min manata başa gəldi.Yəni Göyçay xəstəxanasında bu qədər pulumuzu aldılar.Əlimdə sübutlarımın olmasına baxmayaraq,Göyçay prokuroru Muxtar Eminov həkimlərin günahsız olduğunu ortalığa qoydu.
Xəstəxananın baş həkim müavini Ləman Hacıyeva ikinci qrup əlil,əmək qabiliyyəti olmayan,dövlətdən sosial müavinət alan Elsəvər adlı şəxsi bu yaxınlarda xəstəxanada gözətçi vəzifəsinə təyin edib.
Poliklinikanın müdiri Arzu həkim Elsəvər adlı şəxsə sağlamlıq haqqında arayış da veribmiş.Arzu həkim hərbi xidmətdən yayınan şəxslərə və sair xəstələrə pul müqablində sağlamlıq haqqında arayış paylayır.Bunların bir devizi var.Nə olursa,olsun,ortalıqda pul olsun.
Ləman Hacıyevanın mafiyasına xəstəxananın baş mühasibi Könül xanım da daxildir.Könül xanımın ali təhsili yoxdur.Orta ixtisas təhsili ilə mühasib işləməsi təəccüblüdür.
Bu yaxınlarda qonşularımdan biri bıçaq xəsarəti aldığı üçün təcili tibbi yardıma müraciət etmişdir.Xəsarət alan şəxs məndən 28 noyabr tarixində xahiş etdi ki,xəstəxanadan ona məxsus olan epiqrizi götürüm.Xəstəxanada şəxsin özünün olmamasına baxmayaraq həmin sənədi mənə təqdim etdilər.Yəni burada istənilən şəxsə aid informasiyanı almaq mümkündür.Təki pul verəsən.
Əlavə olaraq bildirirəm ki,qardaşımın avtoqəzası zamanı məndən rüşvət alan həkimlər Elman İbadov,Mərdalı Hacıyev,cərrah Famil Namazov və sairlər barəsində heç bir hüquqi tədbir görülməyib.
Mən dövlətimizin başçısı cənab İlham Əliyevə müraciət edirəm.Göyçay xəstəxanasında hüquqlarımız pozulur.Həkimlər biz insanlara gəlir mənbəyi kimi baxır.Odur ki,sizdən xahiş edirəm ki,mənim əsl müstəqil,hüquqi bir dövlətdə yaşamağım üçün köməklik edəsiniz.Xahiş edirəm,mənim başqa ölkəyə keçməyimə icazə verəsiniz.
Hörmətlə Səbuhi Quliyev.

XəbərAl.az