Utanın cənablar, UTANIN...!

---

01:14 16.05.2023 352

Azərbaycanda hal-hazırda minlərlə xəbər saytları, portallar, informasiya agentlikləri fəaliyyət göstərir. Bunların məqsədi ölkədə və ölkə xaricində baş verənləri ictimaiyyətə çatdırmaqdır. Təəssüf ki, bütün xəbər saytları, onların təsisçiləri və əməkdaşları heç də həmişə bu məqsədə xidmət etmir. Bəziləri öz şəxsi maraqlarını hər şeydən üstün tuturlar. Bu məqsədə çatmaq üçün tənqidlə təhqiri bilərəkdən qarışdırıb, vəzifəli şəxslərin işgüzar nüfuzuna xələl gətirirlər. Təbii ki, hamı pul qazanmaq, evini çörəklə təmin etmək istəyir. Amma kimsə şər-böhtan, şantaj və təhqir yolu ilə harama gedirsə, bu uzun çəkmir. Bunları elə-belə yazmadım. Bəzi "jurnalistlər” var ki, qapı-qapı düşüb dövlət idarələrində məmurları şantaj edərək pul dilənməklə məşğul olurlar. Belə olan halda peşəsini və dövlətini sevən əsil jurnalistlər isə normal fəaliyyət göstərə bilmirlər.

Belə ki, bəzi xəbər saytlarında Gəncə Dövlət Universitetinin prorektoru Şahin Xuduşovun guya börca düşdüyündən evini, obyektlərini satışa cıxarıb iddiası ilə yazılar dərc olunub. Bəri başdan deyək ki, bu yazı müəllifinin guya "yazı uslubu"dur. Cox körmətli Şahin Xuduşovla bağlı son dərəcə qərəzli bir munasibətin nəticəsi olduğu açıq-aydın gorünən, heç bir konkret faktın yer almadığı və şəxsiyyətin təhqir olunmasına xidmət edən bu yazılar məndə iyrənc bir oyunun iştirakçısına çevrilənlər barədə nə fikirləşdiyimi yazmağa ehtiyac duydum.

Yazılarda adı hallanan şəxsin keçdiyi həyat yolu, əmək fəaliyyəti, onun şəxsi keyfiyyətləri ilə bağlı araşdırma aparmaq, onu geniş oxucu kutləsinə tanıtdırmaq istəyirəm. Çunki ortaya belə bir sual çıxır: Doğrudanmı cəmiyyətdə, çalışdığı kollektivdə dərin hörmətə malik olan bir insan haqqında əsassız şayələr yaymağa çalışırlar?

Əvvəlcə bu sahədə tanıdığım bir neçə nəfərlə göruşub onun barəsində soruşdum və internet vasitəsilə ətraflı məlumat topladım. Aydın oldu ki, hər şeyi olduğu kimi cəmiyyətə təqdim etməyə dəyər. Bəri başdan deyim ki, mən eşitdiklərimə deyil, gördüklərimə inananam. Bu düşüncələrlə jurnalist təcrübəmdən istifadə edərək araşdırmalarıma başladım. Əvvəlcə internetdə haqqında son ildə yazılmış yazıları bir yerə yığdım və o yazıların hardan, hansı saytlarda və kimlər tərəfindən yazıldığını yoxladım. Bu yazıları dəqiq təhlil etdikdə məlum oldu ki, yazılar bir əldən çıxır və yayılır. Yazıların tam məqsədi məlum olmasa da, bir məna var, kimlərsə Şahin müəllimin uğurlarını "həzm etmək" istəmir, kimlərsə onun haqqında mənfi rəy formalaşdırmağa çalışır. Ən pisi isə odur ki, bütün bu pis oyunlarda jurnalistlər alət edilir. Şantaj yazmaqla bəslənən insanlar öz bədnam əməllərini həyata keçirə bilmək üçün ictimaiyyətin gözündən salmaq məqsədi ilə şər-böhtan xarakterli yazılardan istifadə edirlər.

Təəssüf ki, bəziləri, xüsusən də mətbuatda olanların bir qismi onun uğurunu görmək istəmir, öz xülyalarını həqiqət kimi qəbul etdirməyə çalışır, cəmiyyətdə gözdən salmaq üçün şər və böhtan dolu yazılar belə yazmaqdan çəkinmirlər. Amma... Unutmasınlar ki, Gəncə Dövlət Universitetinin prorektoru Şahin Xuduşovu rəhbərlərindən biri olduğu qurumun kollektivi də, cəmiyyət də sizdən daha yaxşı tanıyır.

Bəzi saytların bunun əksini yazmaqla onu cəmiyyət arasında ajiotaj yaratmağa çalışması köhnə palan ici tökmək kimi bir şeydir - ictimaiyyət arasında nifrətlə qarşılanır. Bu yazlar birbaşa qərəzli yanaşmanın varlığını sübuta yetirir. Əslində bu cür sifarişli "məqalələrin" dərci, könül bunlandırmaqdan başqa bir şey deyildir. Belə bir addımların atılması, tənqidi məqalələri dərc edən şəxslərin savadsızlığını və söz ehtiyatının kasad olduğunu, hətta heç bir jurnalist biliyinə və etikasına malik olmadıqlarını ortaya qoymuş olur, öz şəxsi mənfəətləri üçün kiminsə işgüzar nüfuzuna xələl gətirən böhtan xarakterli informasiya sayılır.

Gəncə Dövlət Universitetinin prorektoru Şahin Xuduşovun dövlətimizə sədaqəti, yüksək peşəkarlığı və öz işində hər zaman nümayiş etdirdiyi prinsipiallığı ona göstərilmiş yüksək etimadı qazanmaq və doğrultmaq üçün kifayət edə biləcək bir səviyyədədir.

Siz isə, cənablar, UTANIN...!

Sonda qeyd edək ki, Gəncə Dövlət Universitetinin prorektoru Şahin Xuduşovun bizim müdafiəmizə ehtiyacı yoxdur.

Azerinform.az

Oxşar xəbərlər