AG RƏNG QARA LƏKƏ GÖTÜRMƏZ - Ağcabədi RİH-nin Hüquq şöbəsinin müdiri Hafiz Hüseynovun barəsində yayılan məlumatlar şər və böhtandır - MÖVQE
---
13:33
19.07.2025
664
Əgər insan doğru-düzgün bir yoldadırsa, heç vaxt ona zaval olmur. Gördüklərim, eşitdiklərim məni bu qənaətə gətirib ki, Ağcabədi Rayon İcra Hakimiyyətinin Hüquq şöbəsinin müdiri Hafiz Hüseynov xalqının, dövlətinin etimad və etibarını qazanmağı bacara bilmişdir. Rəhbərlik xüsusiyyətini, xarakterini insana daşıdığı vəzifə yox, o vəzifəyə layiq olan insan özü qazandırır. O, insanın xarakterində, bütövlüyündə, bir sözlə, işi ilə əməlinin vəhdətində olmalıdır. Əgər sən insanların istəyini və sevgisini qazanmaq istəyirsənsə ilk növbədə onlarla səmimi olmalısan…Onun haqqında yazmağa ehtiyac varmı? Bu yazılar ona lazımdırmı? Əsla! Amma bu yazılar o kəslərə lazımdır ki, onlar xalqa, dövlətə, dövlətçiliyə xidməti, idarəetməni ondan öyrənsinlər; öz əqidəsinə, məsləkinə və vicdanına layiq hərəkət edən hər kəsə nümunə kimi təqdim və təqdir olunsun. Bunu mən belə düşünürəm. El gözü tərəzidir, deyərlər. Bu gün hər şeyi və hər kəsi görürük… Məqsədli şəkildə vəzifə mənsəbləri – nail olduqları şan və şöhrətin daşıdıqları vəzifənin anlamını onu itirdikdən sonra anlayır və peşiman olurlarsa da, sonrakı peşimançılıq fayda vermir. Çox təəssüf.
Ağcabədi Rayon İcra Hakimiyyətinin Hüquq şöbəsinin müdiri Hafiz Hüseynovun məram və məqsədi isə tamamilə fərqlidir. Dövlət və dövlətçilik naminə. Xalq və Vətənə naminəvi xidmət! “Mən xalqımın xidmətçisiyəm”, – Bu sözlər ölkənin birinci şəxsinə məxsusdur. Deməli, hər kəs öz payını götürməlidir. Söz yox, bu paydan kimə nə düşüb-düşməməsinin biz gec və ya tez şahidi oluruq. Türk dünyasının öndəri Atatürk deyirdi: “Məni tanımaq üçün mütləq üzümü görmək lazım deyildir, mənim fikirlərimi, mənim duyğularımı anlasanız və hiss etsəniz, bu kifayətdir…" Ağcabədi Rayon İcra Hakimiyyətinin Hüquq şöbəsinin müdiri Hafiz Hüseynovun haqqında yazmaq, onu tərifləmək, xalqa tanıtmağa ehtiyac yoxdur. Sadəcə onun rəhbərlik etdiyi sahəyə bir az nəzər salmaq kifayət edər və yetərincə bütün suallara cavab tapmış olarsan.
Hafiz Hüseynov öz peşəkarlığı və qayğıkeşliyi ilə diqqət cəkən vəzifə sahibidir. Bu şəxs özündə elə bir xarakterik xüsusiyyəti cəmləşdirən dövlət məmurudur ki, o, hər ehtiyacı olana köməklik göstərməyi, xeyirxah addımlar atmağı sanki özü üçün əsas amal hesab edir. Onu tanıyan, ona bağlı olan hər kəs bilir ki, qəlbində Vətəninə sonsuz məhəbbət hissi, xalqına bağlılıq duyğusu gəzdirən, hər kəsin problemini özünün şəxsi problemi hesab edən bu şəxs, bu gün də həyata keçirdiyi peşəkar idarəçiliyi ilə fərqlənən vəzifə sahibidir.
Hafiz Hüseynov xarakter etibarilə sadə təbiətlidir, mehribançılığı sevən bir insandır. Hələ yeniyetmə yaşlarından halallığı hər şeydən uca tutmağa çalışan, dosta-tanışa qarşı etibarlılıq nümayiş etdirən, bir sözlə özündə əsl insani keyfiyyətləri cəmləşdirən bu şəxsin belə bir amallar uğrunda yorulmadan çalışması, məhz onun kamil bir şəxs olaraq formalaşmasına təsir edən əsas səbəblər olub. Hafiz müəllim bu gün də elə bir addımlar atır ki, o, son anda hər kəsin rəğbət hissini qazana bilir. Bütün bunlardan əlavə, adı çəkilən bu şəxs əsası ulu öndər Heydər Əliyev tərəfindən müəyyən olunan siyasi kursa sadiq olduğunu, məhz əməli addımları ilə sübuta yetirir. Belə ki, onun heç bir təmənna, hansısa maraq güdmədən Prezident İlham Əliyevə, dövlətimizə və dövlətçiliyimizə sadiq olması hər kəsə bəlli olan həqiqətlərdir. Fakt budur ki, Hafiz Hüseynov elə bir sağlam təfəkkürə, elə bir saf əqidəyə sahib olan vəzifə sahibidir ki, onu heç bir qüvvə tutduğu yolundan döndərə bilməz.
Oda hər kəsə bəllidir ki, Hafiz müəllim yüksək savada və dünyagörüşə malik olan kadrdır. Məhz, belə bir səbəbdəndir ki, o, istənilən vəziyyətlə bağlı zamanında düzgün qərar qəbul etməyi bacarır və lazımi uğurları əldə edir. Bu şəxsin hər zaman ölkə rəhbəri cənab İlham Əliyevin verdiyi tapşırıq və tövsiyyələri həyata keçirdiyi idarəçiliyində əsas tutması haqda da müfəssəl məlumatlara malikik. Xarakterik xüsusiyyətində sadəliyi, hər kəsə qarşı yanaşmasında yüksək insani münasibəti üstün tutması Hafiz Hüseynova məhz hər an başucalığı gətirməkdədir. Bu gün o, insanlara diqqət və qayğı ilə yanaşır, hər kəsə probleminin həlli istiqamətində lazım olan köməkliyini göstərir.
Hüseynov Hafiz Ədalət oğlu hələ orta məktəbin 9-cu sinifdə oxuyarkən H.Əliyev və Azərbaycan mövzusunda keçirilən inşa yazı müsabiqəsində Ağcabədi rayon üzrə 1-ci yerə Respublika üzrə 2-ci yerə layiq görülüb. Eyni zamanda 1999-cu ildə orta məktəbi fərqlənmə attestatı ilə bitirərək Ağcabədi rayon üzrə ən yüksək bal toplayaraq universitetinin hüquq fakültəsinə qəbul olub. 2020-ci ildə Azərbaycan Respublikası Prezidenti yanında Dövlət İdarəçilik Akademiyasına qəbul olub. 2023-cü ildə Prezident Yanında dövlət idarəçilik akademiyasını fərqlənmə diplomu ilə bitirmişdir. 2024-cü ildə Azərbaycan Respublikası Prezidenti Cənab İlham Əliyevin sərəncamı ilə dövlət qulluğunda uzunmüddətli səmərəli fəaliyyətinə görə dövlət qulluğunda fərqlənməyə görə medalı ilə təltif edilmişdir.
Bəli, o, hər zaman özünü doğrultmağı bacarıb. Yuxarıda qeyd etdiyimiz kimi, çox hörmətli Hafiz Hüseynovun əsas amalı dövlətimizə və dövlətçiliyimizə, həmçinin xalqımıza ləyaqətlə xidmət etmək olduğundan, bu gün o, yeni-yeni uğurlu addımlarını atmaqda davam edir. Bu şəxs haqqında belə bir ictimai fikirin formalaşmasına baxmayaraq, bəzən bəzi media qurumlarında, xüsusilə sosial şəbəkələrdə əsası olmayan, heç bir məntiqə və fakta əsaslanmayan sərsəm açıqlamalar yayılır. Sözsüz ki, bu cür əhəmiyyətsiz açıqlamaların yayılmasında hansısa maraqlı qüvvələr müəyyən rol oynayırlar. Məsələnin düşündürücü tərəfi odur ki, Hafiz Hüseynovun haqqında tənqidi açıqlamaları yayan "blogerlər" informasiyanı yaymazdan əvvəl hər hansı araşdırmalar aparmırlar. Yalnız “ağalarından” almış olduqları sifarişləri yerinə yetirməklə, bir növ işlərini bitmiş hesab edirlər. Belə bir addımların atılması onu sübut edir ki, qeyd olunan “məqalələri” yayanların araşdırma aparmaq qabiliyyətləri yoxdur. Əgər hansısa peşəkarlıq qabiliyyətləri olsaydı, o halda yəqin ki, fərqli addımlar atardılar.
Ağcabədi Rayon İcra Hakimiyyətinin Hüquq şöbəsinin müdiri Hafiz Hüseynov redaksiyamızın sorgusuna cavab olaraq bildirir ki, ona şər və böhtan atan "kanal 21"-ün rəhbəri Quliyev Fərhad Bakir oğludur: "Məni şərləməyə calışan bu adam haqqında qısa araşdırma apardım. Məlum oldu ki, o, Ağcabədi rayon Mərkəzi xəstəxanasının direktoru vəzifəsində çalışmış Təranə xanıma şər və böhtan atdığı üçün Xocavənd rayon Məhkəməsinin qərarı ilə yazdıqları şər və böhtan hesab edilməklə 500 manat təzminat ödəməsi barədə qərar qəbul edilmişdir. Həmçinin Ağcabədi rayon icra hakimiyyətinin başçısına qarşı şər və böhtan xarakterli məlumatlar yaydığına görə Ağcabədi rayon Məhkəməsinin qərarı ilə yazdıqları şər və böhtan xarakterli məlumatlar hesab edilməklə 3000 manat təzminat ödəməsi barədə qərar qəbul edilmişdir. Bu adamın "jurnalistliyi" budur."
Bəli, cox təssüf ki, Azərbaycan jurnalistikasında analogiyalardan istifadə etmək kimi uğursuz bir təcrübə yayılmaqdadır. Məsələn, hansısa bir məmur qanunsuzluğa rəvac verdiyinə görə işdən alınırsa, kütləvi informasiya vasitələri, xüsusilə sosial şəbəkələr düşürlər həmin şəxsin eyni vəzifəni daşıyan həmkarlarının üstünə, başlayırlar oxşar nöqsanlar axtarmağa. Rast gəldikləri çatışmazlıq hallarını da “şişirdib” az qala ağır cinayət kimi təqdim edirlər. Ağcabədi Rayon İcra Hakimiyyətinin Hüquq şöbəsinin müdiri Hafiz Hüseynovun barəsində şər və böhtan xarakterli informasiyalar yayanlara demək istəyirik ki, ağ rənd qara ləkə götürməz. Ziyalıi olan bir insana qarşı bələ münasibət yolverilməzdir. Unutmayın, bu davranışlar ictimaiyyət tərəfindən ikrahla qarşılanır. Real olan budur ki, Ağcabədi Rayon İcra Hakimiyyətinin Hüquq şöbəsinin müdiri Hafiz Hüseynov ictimaiyyət tərəfindən sevilir, hörmətlə qəbul edilir. Çünki o, bu vəzifəyə təsadüfi gəlməyib. Çünki o, oliqarx deyil və ömrü boyu hansısa post uğrunda mübarizə aparmayıb. Mübarizə apardığı bir sahə olub, o da ona tapşırılan vəzifədir ki, bu sahədə də həmişə üzüagdır. Baxın ədalətli mövqe budur. Ədalətli mövqe insana onun üçün sərf etdi-etmədi deyil, real olanı danışmaqdır. Ədalətsizlik cəmiyyətdə ölüm virusu tək təhlükəlidir, imkan vərərsiniz ənənəvi hal alar. Gələcək nəsillər naminə cəmiyyəti ədalətsizlik virusuna yoluxdurmayın.
Azerinform.az
Oxşar xəbərlər
XƏBƏR LENTİ
© 2014-2023 Azerinform.az
Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.